నిజామాబాద్ జిల్లా డిచ్పల్లి మండలంలోని నడిపల్లి గ్రామ సర్పంచ్ సతీశ్ కారుకు గుర్తు తెలియని దుండగులు నిప్పు పెట్టారు. డిచ్పల్లి రైల్వేస్టేషన్ ప్రాంతంలో నివాసం ఉంటున్న మాజీ ఎంపీటీసీ కారును సైతం దగ్ధం చేశారు. ఓ వార్డు మెంబర్ ద్విచక్రవాహనాన్ని కూడా దుండగులు పెట్రోల్ పోసి కాల్చేశారు.
ఈ ముగ్గురు నేతలు తెరాస పార్టీకి చెందిన వారే... ఈ ఘటనలకు భూ వివాదమే కారణమని గ్రామస్థులు అనుమానం వ్యక్తం చేస్తున్నారు. ఘటనా స్థలాన్ని ఏసీపీ శ్రీనివాస్ పరిశీలించారు. కేసు నమోదు చేసి దర్యాప్తు చేపట్టారు. గ్రామంలో పెద్ద ఎత్తున పోలీసులు మోహరించారు.
