కన్నుల పండువగా ముగిసిన శ్రీలక్ష్మి నరసింహస్వామి బ్రహ్మోత్సవాలు

నిజామాబాద్ జిల్లా భీమ్​గల్​ మండల కేంద్రంలో శ్రీలక్ష్మినరసింహస్వామి బ్రహ్మోత్సవాలు ఘనంగా ముగిశాయి. ఆలయం దిగువన ఉన్న వీధుల్లో రథోత్సవం నిర్వహించారు. అశేష జనవాహిని మధ్య మంగళ వాయిద్యాలతో అట్టహాసంగా ఉత్సవాలు జరిపారు.

నిజామాబాద్ జిల్లా భీమ్​గల్ మండల కేంద్రంలోని శ్రీలక్ష్మి నరసింహస్వామి రథోత్సవం కన్నుల పండువగా జరిగింది. పచ్చని కొండల మధ్య వెలసి ఉన్న స్వామివారి బ్రహ్మోత్సవాల ముగింపు కార్యక్రమాన్ని అత్యంత వైభవంగా నిర్వహించారు.

ఆలయం దిగువన ఉన్న ప్రధాన వీధుల్లో రథోత్సవం ఘనంగా నిర్వహించారు. ఈ ఉత్సవాన్ని తిలకించేందుకు జిల్లావ్యాప్తంగా అశేష జనవాహిని తరలివచ్చారు. భక్తులకు ఎలాంటి అసౌకర్యం కలగకుండా ఆలయ కమిటీ సభ్యులు పకడ్బందీ ఏర్పాట్లు చేశారు.

ఇదీ చూడండి:ముగిసిన గ్రేటర్ ఎన్నికల ప్రచారం.. మొదలైన తాయిలాల పర్వం