తందూరి బట్టిలో బొగ్గుల మీద మట్టికుండలో మరగించిన చాయ్... చిన్న కుండల్లో పోసుకుని తాగుతుంటే ఆ మజాయే వేరు. నిజామాబాద్ జిల్లా ఆర్మూర్లో తందూరి కుండా చాయ్... తేనేటి ప్రేమికులను ఎంతగానో ఆకట్టుకుంటోంది. హౌసింగ్ బోర్డ్ కాలనీకి చెందిన చెలిమేళ శేఖర్... నిజాం సాగర్ వంతెన సమీపంలో నెలరోజుల కిందట హోటల్ను ఏర్పాటు చేశారు. ఇత్తడి పాత్రల్లో పాలు, నీళ్లు, చక్కెర వేసి మరగిస్తారు. ఈలోపు తందూరి బట్టిలో మండుతున్న బొగ్గులపై మట్టి కుండలను వేడి చేస్తారు. ఇత్తడి పాత్రల్లో ఉన్న మిశ్రమాన్ని అందులో పోస్తారు. కొద్దిసేపు మరగనిస్తారు. ఆ తర్వాత చిన్న చిన్న మట్టి కుండల్లో చాయ్ని పోసి ఇస్తున్నారు.
ఈ కుండ చాయ్ని తాగేందుకు ప్రజలు ఎక్కువగా ఆసక్తి చూపుతున్నారని శేఖర్ చెబుతున్నాడు. ప్లాస్టిక్ గ్లాసుల్లో తాగితే ఆరోగ్యానికి హానికరమని... ఈ కుండల్లో చాయ్ ఆరోగ్యంతో పాటు రుచికరంగా ఉందని తేనీటి ప్రియుుల అంటున్నారు. కుండ చాయ్ రుచిగా ఉండటంతో స్థానికులు ఎగబడుతున్నారు. తుందూరీ టీని ఆస్వాదిస్తున్నారు.
ఇదీ చదవండిః కరోనా నుంచి కాపాడుకోండిలా!
