నిజామాబాద్ జిల్లాలో నగర రియల్ ఎస్టేట్ అసోసియేషన్ సభ్యులు... రిజిస్ట్రేషన్ కార్యాలయం ఎదుట ధర్నా నిర్వహించారు. న్యాయస్థానాలు పాత పద్ధతిలోనే రిజిస్ట్రేషన్లు చేయాలని చెప్తున్నా... అధికారులు మాత్రం నూతన పద్ధతి ద్వారా రిజిస్ట్రేషన్లు చేయడం సరైన పద్ధతి కాదంటూ ఆగ్రహం వ్యక్తం చేశారు.
ఆర్థిక భారం పడుతోంది..
ఎల్ఆర్ఎస్, ధరణి పోర్టల్ను వెంటనే రద్దు చేసి... ఆగిన రిజిస్ట్రేషన్లను వెంటనే ప్రారంభించాలని డిమాండ్ చేశారు. ప్రభుత్వం ప్రవేశ పెట్టిను ఈ విధానం వల్ల ఫ్లాట్ కొనే వారిపై, ఇల్లు కట్టుకునే వారిపై ఆర్థిక భారం అధికంగా పడుతుందని ఆరోపించారు.
ఒక్క స్లాట్ కూడా బుక్ కాలేదు..
జిల్లాలో ఒక్క స్లాట్ కూడా బుకింగ్‌ కాలేదని నిజామాబాద్ జిల్లా రిజిస్ట్రార్ రవీంద్ర రావు పేర్కొన్నారు. అమావాస్య నేపథ్యంలో ప్రజలు రాలేదని... రేపటి నుంచి స్లాట్ బుక్ అయ్యే అవకాశం ఉందని వెల్లడించారు.
ఇదీ చూడండి: వ్యవసాయేతర ఆస్తుల రిజిస్ట్రేషన్లు ప్రారంభం
