నిజామాబాద్ జిల్లా నూతన కలెక్టరేట్ భవనం ప్రారంభోత్సవానికి సిద్ధమైంది. అన్ని ప్రభుత్వ శాఖలు ఒకే దగ్గర ఉండేలా సమీకృత కలెక్టరేట్ భవనాన్ని నిజామాబాద్ నగరంలోని బైపాస్ రోడ్డులో నిర్మించారు. కొత్త జిల్లాలతో పాటు ఇందూరుకు కూడా నూతన కలెక్టరేట్ను ప్రభుత్వం మంజూరు చేసింది. నిర్మాణ పనులన్నీ ఇప్పటికే పూర్తయ్యాయి. ఈనెల 13 లేదా 14న సీఎం కేసీఆర్ ఈ భవనాన్ని ప్రారంభించే అవకాశాలున్నాయని పలువురు అభిప్రాయం వ్యక్తం చేస్తున్నారు.
కామారెడ్డి, నిజామాబాద్ జిల్లాల సమీకృత కలెక్టరేట్లు ఒకే సారి ప్రారంభిస్తున్నట్లు తెలుస్తోంది. ఇందుకోసం అన్ని ఏర్పాట్లు పూర్తి చేసినట్లు అధికారులు చెబుతున్నారు. అన్ని హంగులతో ఈ కలెక్టరేట్లను నిర్మించారు. నిజామాబాద్ కలెక్టరేట్ పక్కనే శాశ్వత హెలిప్యాడ్ నిర్మాణాన్ని కూడా పూర్తి చేశారు. త్వరలోనే ప్రజలకు కలెక్టరేట్లు అందుబాటులోకి రానున్నాయి.
ఇదీ చదవండి: Vaccination: పిల్లలకు అన్ని టీకాలు వేయాల్సిందే..!
