ప్రజలు చనిపోతున్న ప్రభుత్వం పట్టించుకోవడం లేదు: అర్వింద్​

రాష్ట్రంలో ప్రజలు చనిపోతున్న తెరాస ప్రభుత్వం అలసత్వం ప్రదర్శిస్తోందని నిజామాబాద్​ ఎంపీ అర్వింద్​ ఆరోపించారు. రాష్ట్రంలో కరోనా పరిస్థితులు దుర్భరంగా ఉన్నా ప్రజలకు వైద్యం అందడం లేదని ఆరోపించారు. సరైన వైద్యం అందించడంలో విఫలమవుతోన్న.. కేంద్రం తెచ్చిన ఆయుష్మాన్ భారత్ పథకాన్ని మాత్రం కేసీఆర్ అమలు చేయరని అర్వింద్​ విమర్శించారు.

తెలంగాణలో ప్రజలు చనిపోతున్నా తెరాస ప్రభుత్వానికి పట్టడం లేదని నిజామాబాద్ ఎంపీ ధర్మపురి అర్వింద్ విమర్శించారు. నిజామాబాద్ భాజపా కార్యాలయంలో ఏర్పాటు చేసిన విలేకరుల సమావేశంలో ఎంపీ మాట్లాడారు. కొవిడ్​తో ప్రజలు చనిపోతున్నా సీఎం కేసీఆర్​కు పట్టడం లేదన్నారు.

రాష్ట్రంలో కరోనా పరిస్థితులు దుర్భరంగా ఉన్నా ప్రజలకు వైద్యం అందడం లేదని ఆరోపించారు. సరైన వైద్యం అందించడంలో విఫలమవుతోన్న.. కేంద్రం తెచ్చిన ఆయుష్మాన్ భారత్ పథకాన్ని మాత్రం కేసీఆర్ అమలు చేయరని అర్వింద్​ విమర్శించారు. తెలంగాణలో రైతులు గడ్డు పరిస్థితులు ఎదుర్కొంటుంటే.. ఏం పట్టనట్లు వ్యవహరిస్తున్నారని మండిపడ్డారు. ఉచిత ఎరువులు, మందులు ఇస్తానని చెప్పిన కేసీఆర్.. రెండేళ్లవుతోన్నా మాట నిలబెట్టుకోలేదన్నారు.

ఇవీ చూడండి: మంత్రి హరీశ్‌రావుకు కరోనా పాజిటివ్