నిజామాబాద్ నగర శివారులోని బైపాస్ రోడ్డు దుబ్బలోని సమీకృత కలెక్టరేట్ కాంప్లెక్స్ను జిల్లా కలెక్టర్ సి.నారాయణరెడ్డి సందర్శించారు. ప్రభుత్వ ఆదేశాల మేరకు నిజామాబాద్లో కొత్తగా నిర్మిస్తున్న సమీకృత కలెక్టరేట్ను దసరాకు ప్రారంభించుకునే విధంగా పనులు చేస్తున్నామని తెలిపారు. జిల్లాలో ఉన్న అన్ని ప్రభుత్వ కార్యాలయాలను కలెక్టరేట్కు తరలించే విధంగా చర్యలు తీసుకుంటున్నామన్నారు.
ఎవరైనా జిల్లా కేంద్రానికి పనిమీద వస్తే ఇంటిగ్రేటెడ్ కలెక్టరేట్లో జిల్లాకు సంబంధించిన అందరు అధికారులను కలుసుకొనేందుకు వీలుగా ఈ కలెక్టరేట్ ఉంటుందన్నారు. వచ్చిన ప్రజలకు కూర్చోవడానికి బల్లలు, తాగడానికి నీళ్లు, టాయిలెట్స్ అన్నీ ఉండే విధంగా, ప్రజలకు అనుకూలంగా మెరుగైన సేవలు అందించే విధంగా ప్రభుత్వం నిర్మిస్తోందన్నారు. మెయిన్ రోడ్డుకు పక్కనే ఉన్నందున ప్రజలకు బస్సు సౌకర్యం అందుబాటులోకి తెస్తామని అన్నారు. ఈ కార్యక్రమంలో పలువురు అధికారులు పాల్గొన్నారు.
ఇవీ చూడండి:'డబుల్ బెడ్ రూం లబ్దిదారుల ఎంపిక పూర్తి పారదర్శకంగా ఉండాలి'
