నిజామాబాద్ కలెక్టర్ నారాయణ రెడ్డి పేరుతో నకిలీ ఫేస్బుక్ ఖాతాపై కలెక్టర్ స్పష్టతనిచ్చారు. వీటికి సంబంధించిన ఫొటోలను తన అసలు ఫేస్బుక్ ఖాతా ద్వారా పంచుకున్నారు.
నకిలీ ఖాతా ద్వారా కలెక్టర్ ఫేస్బుక్ ఖాతాతో చాటింగ్ చేస్తూ తమ బంధువులకు సీరియస్గా ఉందని, ఐసీయూలో ఉన్నారని సైబర్ నేరస్థులు అందులో పేర్కొన్నారు. డబ్బులు కావాలని మళ్లీ తిరిగి ఇచ్చేస్తామంటూ నమ్మబలికారు.
ఈ విషయం కలెక్టర్కి తెలియడంతో ఆయన తన అసలు ఖాతాలో ప్రజలను అప్రమత్తం చేసేలా పోస్టు పెట్టారు. తన పేరుతో నకిలీ అకౌంట్ సృష్టించారని.. ఎవరైనా డబ్బులు అడిగితే ఇవ్వవద్దని సూచించారు. పోలీసులకు ఫిర్యాదు చేసినట్లు కలెక్టర్ వెల్లడించారు.
నకిలీ ఖాతాతో కలెక్టర్ బంధువుకి సందేశాలు
ఇదీ చదవండి: నిజామాబాద్ కలెక్టర్ పేరిట నకిలీ ఫేస్బుక్ ఖాతా..
