ఈటీవీ కథనానికి స్పందన... వసతిగృహంలో విచారణ
నిజామాబాద్లోని ఇందల్వాయి సంక్షేమ వసతిగృహంలో విద్యార్థులతో సిబ్బంది అనుచిత ప్రవర్తనపై "ఈటీవీ, ఈటీవీ భారత్" కథనాలకు అధికారులు స్పందించారు. ఈ మేరకు ఎంపీడీవో రాములు నాయక్, స్థానిక సర్పంచ్ ప్రజా ప్రతినిధులతో కలిసి వసతి గృహాన్ని సందర్శించి విచారణ చేపట్టారు. మద్యం సేవించి విద్యార్థులను దుర్భాషలాడిన పొరుగుసేవల ఉద్యోగి విట్టల్ను సాంఘిక సంక్షేమ శాఖకు అటాచ్ చేశారు. ఘటనపై తోటి సిబ్బంది, విద్యార్థులు గ్రామస్థులను విచారించారు. అయితే గతంలో విట్టల్ వ్యవహారం తన దృష్టికి వచ్చినప్పుడు అతన్ని మందలించానని వార్డెన్ అధికారులకు తెలిపారు. మరోసారి నిర్లక్ష్యం వహిస్తే చర్యలు తప్పవని ఎంపీడీవో వార్డెన్ను హెచ్చరించారు.
ఇదీ చూడండి : భూ సమస్యలపై ప్రజావాణికి అర్జీలు
