దిల్లీకి వెళ్లిన వారిలో నిజామాబాద్ జిల్లా నుంచి 53 మంది ఉన్నారని.. కాగా వారిలో 43 మంది పట్టణ వాసులే అని మంత్రి ప్రశాంత్ రెడ్డి అన్నారు. నలుగురిని అనుమానితులుగా గుర్తించి హైదరాబాద్కు తరలించామని.. వారి రిపోర్ట్లు ఇంకా రాలేదని మంత్రి స్పష్టం చేశారు. నిజామాబాద్ జిల్లా కలెక్టరేట్లో కరోనాపై చేపడుతున్న చర్యలు, తీసుకోవాల్సిన జాగ్రత్తలు గురించి అధికారులతో ఆయన సమీక్షించారు.
జిల్లా నుంచి వ్యాధి లక్షణాలున్నాయనే అనుమానంతో 29 మందిని హైదరాబాద్కు పంపామని.. 14 మంది రిపోర్టు రావాల్సి ఉండగా.. మిగతా అందరికీ నెగటివ్ వచ్చిందన్నారు. ఒకరికి మాత్రమే పాజిటివ్ కేసు నమోదైందని చెప్పారు. జిల్లాలో 11వేల మంది వలస కార్మికులు ఉండగా.. వారికి బియ్యం, నగదు పంపిణీ చేస్తున్నామని రెండు రోజుల్లో పూర్తి చేస్తామని చెబుతున్నారు.
ఇదీ చూడండి: ఇవాళ ఒక్కరోజు 15 కరోనా పాజిటివ్ కేసులు
