ప్రతి ఒక్కరికి ధన్యవాదాలు: కవిత

నిజామాబాద్ స్థానిక సంస్థల ఎమ్మెల్సీ ఉపఎన్నికలో తెరాస అభ్యర్థిగా కవిత ఘనవిజయం సాధించారు. భారీ ఆధిక్యంతో గెలుపొందిన కవిత... గెలుపు కోసం కృషి చేసిన ప్రతిఒక్కరికి ధన్యవాదాలు తెలిపారు.

తన గెలుపు కోసం కృషి చేసిన ప్రతిఒక్కరికి ధన్యవాదాలు తెలిపారు తెరాస అభ్యర్థి కవిత. నిజామాబాద్ స్థానిక సంస్థల ఎమ్మెల్సీ ఉపఎన్నికలో తెరాస అభ్యర్థిగా కవిత ఘనవిజయం సాధించారు. ఎమ్మెల్సీ ఉపఎన్నికలో భారీ ఆధిక్యంతో గెలుపొందారు.

తెరాస 728, భాజపా 56, కాంగ్రెస్ 29, చెల్లని ఓట్లు 10 నమోదయ్యాయి. ఎన్నికల రిటర్నింగ్ అధికారి నుంచి ధ్రువీకరణ పత్రం అందుకున్న కవిత... అందరూ సమన్వయంతో పనిచేసి విజయాన్ని అందించారని పేర్కొన్నారు.

ఎమ్మెల్సీగా నిలబడిన నాకు ఓటేసిన ఎంపీటీసీ, జడ్పీటీసీ, కౌన్సిలర్లు, ఎంపీపీలు, కార్పొరేటర్లు, ఛైర్మన్లకు ధన్యవాదాలు. మంత్రి ప్రశాంత్ రెడ్డి, ఉమ్మడి నిజామాబాద్ జిల్లా తెరాస ఎమ్మెల్యేలు, ఎమ్మెల్సీలు, ఎంపీలకు ప్రత్యేక ధన్యవాదాలు.

------ కవిత, ఎమ్మెల్సీ

• ఇదీ చూడండి : నిజామాబాద్ ఎమ్మెల్సీ ఉప ఎన్నికలో కవిత ఘన విజయం