నిజామాబాద్ స్థానిక సంస్థల కోటా ఎమ్మెల్సీ ఉప ఎన్నిక పోలింగ్, ఓట్ల లెక్కింపు సందర్భంగా అవసరమైన మేరకు స్థానిక సెలవు ప్రకటించే అధికారాన్ని కలెక్టర్లకు అప్పగించారు. ఉపఎన్నిక పోలింగ్ ఈ నెల 9న, ఓట్ల లెక్కింపు 12న జరగనుంది. ఈ నేపథ్యంలో పోలింగ్ కేంద్రాలు, ఓట్ల లెక్కింపు కేంద్రం ఉన్న కార్యాలయాలు, సంస్థలకు స్థానిక సెలవు ప్రకటించే అధికారాన్ని కలెక్టర్లకు రాష్ట్ర ఎన్నికల సంఘం అప్పగించింది.
పోలింగ్ ముందురోజు, పోలింగ్ నాడు, ఓట్ల లెక్కింపు రోజు అవసరమైతే స్థానిక సెలవును కలెక్టర్లు ప్రకటించవచ్చు. ఈ మేరకు నిజామాబాద్, కామారెడ్డి, రాజన్న సిరిసిల్ల, సంగారెడ్డి జిల్లాల కలెక్టర్లకు ఆదేశాలిస్తూ రాష్ట్ర ఎన్నికల ప్రధానాధికారి శశాంక్ గోయల్ ఉత్తర్వులు జారీ చేశారు.
ఇదీ చదవండి: ఎమ్మెల్సీ, పుర పోరుకు పార్టీలు సిద్ధం
