BSNL Festive Offer : బీఎన్ఎన్ఎల్ వినియోగదారులకు గుడ్ న్యూస్. ఈ ప్రభుత్వ రంగ టెలికాం సంస్థ తమ యూజర్ల కోసం మంచి ఫెస్టివ్ ఆఫర్ ప్రకటించింది. రూ.500 లేదా అంత కంటే తక్కువ ధర ఉండే రీఛార్జ్ ప్లాన్స్ సబ్స్క్రైబ్ చేసుకుంటే, నెల రోజుల పాటు పూర్తి ఉచితంగా ఇంటర్నెట్ అందిస్తోంది. అయితే ఈ బంపర్ ఆఫర్ 2024 డిసెంబర్ 31 వరకు మాత్రమే అందుబాటులో ఉంటుంది. మరెందుకు ఆ ఆలస్యం ఈ ఆఫర్ పూర్తి వివరాలు తెలుసుకుందాం రండి.
బ్రాడ్బ్యాండ్ ప్లాన్స్
బీఎస్ఎన్ఎల్ వాస్తవానికి కొన్ని ఎంపిక చేసిన బ్రాడ్బ్యాండ్ ప్లాన్స్పై ఫెస్టివ్ ఆఫర్ కింద ఒక నెల రోజులపాటు పూర్తి ఉచితంగా ఇంటర్నెట్ అందించనుంది. అంటే అత్యంత తక్కువ ధరకే హై-స్పీడ్ ఇంటర్నెట్ కనెక్టివిటీని తమ యూజర్లకు అందించనుంది. దీని ద్వారా ప్రస్తుతం మార్కెట్లో ఉన్న జియో, ఎయిర్టెల్, వీఐ లాంటి టాప్ టెలికాం కంపెనీలకు బీఎస్ఎన్ఎల్ గట్టి ఛాలెంజ్ విసిరినట్లు అయ్యింది.
BSNL Fiber Neo Plan : బీఎస్ఎన్ఎల్ ఫైబర్ నియో ప్లాన్ ధర రూ.499. ఈ ప్లాన్ను సబ్స్క్రైబ్ చేసుకున్న యూజర్లకు ఒక నెల రోజులపాటు 3.3 టీబీ (3300 జీబీ) హై-స్పీడ్ ఇంటర్నెట్ పూర్తి ఉచితంగా అందిస్తారు. 30Mbps స్పీడ్తో వచ్చే ఈ ఇంటర్నెట్ - బ్రౌజింగ్ చేయడానికి, వీడియో స్ట్రీమింగ్ చేసుకోవడానికి అనువుగా ఉంటుంది. ఈ డేటా లిమిట్ అయిపోయిన తరువాత 4 Mbps స్పీడ్తో ఇంటర్నెట్ వాడుకోవచ్చు. ఆన్లైన్ క్లాసులు, వీడియో స్ట్రీమింగ్, రిమోట్ వర్కింగ్ చేసేవారికి ఈ ప్లాన్ చాలా ఉపయోగకరంగా ఉంటుంది. ఈ ప్లాన్ తీసుకున్నవారు అన్లిమిటెడ్ కాల్స్ చేసుకోవచ్చు. అంతేకాదు 3 నెలల సబ్స్క్రిప్షన్ తీసుకుంటే రూ.50 వరకు డిస్కౌంట్ కూడా పొందవచ్చు.
BSNL Fiber Basic Plan : ఈ ప్లాన్లో 50Mbps స్పీడ్తో 3.3 టీబీ ఫ్రీ మంత్లీ డేటా ఇస్తారు. ఈ డేటా లిమిట్ అయిపోయిన తరువాత 4 Mbps స్పీడ్తో ఇంటర్నెట్ వాడుకోవచ్చు. 3నెలల సబ్స్క్రిప్షన్ తీసుకుంటే రూ.100 వరకు డిస్కౌంట్ ఇస్తారు. మల్టీ టాస్కింగ్, గేమింగ్, హెవీ స్ట్రీమింగ్ చేసేవారికి ఈ ప్లాన్ చాలా బాగుంటుంది.
