'దుబ్బాకలో భాజపా గెలుపు భవిష్యత్తుకు పునాది'

దుబ్బాకలో భాజపా విజయం ఇందూరు నేతల్లో ఉత్సాహం నింపింది. ఉమ్మడి నిజామాబాద్ జిల్లా వ్యాప్తంగా ఆ పార్టీ నేతలు, కార్యకర్తలు సంబురాలు జరుపుకున్నారు.

నిజామాబాద్​నగరంలో భాజపా కార్యకర్తలు సంబురాలు చేసుకున్నారు. దుబ్బాకలో ఆ పార్టీ అభ్యర్థి గెలుపుపై... జిల్లా కార్యాలయం నుంచి నిఖిల్ సాయి చౌరస్తా వరకు ర్యాలీ చేశారు. ఉత్సాహంగా నృత్యాలు చేస్తూ బాణాసంచా కాల్చి... మిఠాయిలు పంచుకున్నారు.

జిల్లా భాజపా అధ్యక్షుడు బస్వా లక్ష్మీనర్సయ్య, రాష్ట్ర కార్యవర్గ సభ్యుడు ధన్​పాల్ సూర్యనారాయణ ఆనందంతో నృత్యం చేశారు. అనంతరం మిఠాయిలు తినిపించుకుని... దుబ్బాకలో గెలిపొందిన రఘునందన్​రావుకి శుభాకాంక్షలు తెలిపారు. దుబ్బాక విజయం తెలంగాణలో భాజపా బలానికి సంకేతాలని... 2023 ఎన్నికల్లో గెలుపునకు పునాది అని జిల్లా అధ్యక్షుడు బస్వా లక్ష్మీనర్సయ్య అన్నారు.

ఇదీ చూడండి: కార్యకర్త నుంచి ఎమ్మెల్యేగా ఎదిగిన రఘునందన్​ రావు