Lionel Messi Kerala Tour : అర్జెంటీనా స్టార్ ఫుట్బాల్ ప్లేయర్ లియోనెల్ మెస్సీ త్వరలోనే భారత్కు రానున్నాడు. గతంలోనే ఈ విషయాన్ని కేరళ ప్రభుత్వం వెల్లడించగా, తాజాగా మరోసారి ఈ విషయంపై క్లారిటీ ఇచ్చింది. అక్టోబర్ - నవంబర్ మధ్య కేరళలో ఒక వారం పాటు మెస్సీ గడపనున్నట్లు కేరళ క్రీడా మంత్రి వి అబ్దురహిమాన్ తాజాగా ప్రకటించారు.
కేరళలో కనీసం రెండు స్నేహపూర్వక మ్యాచ్లు ఆడేందుకు మెస్సీ నేతృత్వంలోని పురుషుల జాతీయ జట్టుకు సంబంధించి అర్జెంటీనా ఫుట్బాల్ అసోసియేషన్తో తమ ప్రభుత్వం ఒప్పందం కుదుర్చుకున్నట్లు మంత్రి గత నవంబర్‌లో చెప్పారు. "అక్టోబర్ 25 నుంచి నవంబర్ 2 మధ్య మెస్సీ కేరళలో ఉంటాడు. ఫ్రెండ్లీ మ్యాచ్లు ఆడడమే కాకుండా మీ అందరినీ కలిసేందుకు వేదికపై 20 నిమిషాలు కేటాయిస్తారు." అని క్రీడా మంత్రి పేర్కొన్నారు.
ఖర్చు మొత్తం వారిదే!
ఈ అంతర్జాతీయ మ్యాచ్ను పూర్తిగా రాష్ట్ర ప్రభుత్వం పర్యవేక్షణలో జరగనుందని కేరళ క్రీడా శాఖ మంత్రి అబ్దురహిమన్ పేర్కొన్నారు. "ఈ హై ప్రొఫైల్ ఫుట్బాల్ ఈవెంట్ నిర్వహించేందుకు కావాల్సిన మొత్తం ఖర్చును రాష్ట్రానికి సంబంధించిన మెర్చంట్స్ ద్వారా అందించబడుతుంది." అని క్రీడా శాఖ మంత్రి అన్నారు. ఈ ప్రతిష్టాత్మక ఫుట్ బాల్ ఈవెంట్ను సమర్థవంతంగా నిర్వహిస్తామని విశ్వాసం వ్యక్తం చేశారు.
మెస్సీ అంటే ఆ మాత్రం ఉండాలి మరి!
ఫుట్‌బాల్కు మన దేశంలో కొన్ని ప్రాంతాల్లో మాత్రమే ఆదరణ ఉంది. ముఖ్యంగా కేరళ, పశ్చిమ్‌ బంగ వాసులకు ఈ ఆటంటే ఓ ప్రత్యేక అభిమానం. అందుకే ఫుట్బాల్ మ్యాచ్లు జరిగే ప్రతిసారీ ఆయా రాష్ట్రాల్లో అభిమానులు వాటిని ఓ వేడుకలా చేసుకుంటారు. ఎక్కడ చూసినా రొనాల్డో నిలువెత్తు కటౌట్లు, మెస్సీ ఫ్లెక్సీలు, నెయ్‌మార్‌ బ్యానర్లు, ప్రపంచకప్ ట్రోఫీలతో నింపేస్తుంటారు. తమ అభిమాన ఆటగాళ్ల జెర్సీలు ధరించి ఫుట్‌బాల్‌ఫై తమకున్న ప్రేమను చాటుకుంటుంటారు.
కాగా, కేరళలో జరిగే అంతర్యాతీయ మ్యాచ్‌లో అర్జెంటీనా జట్టు ఎవరిని ఢీ కొంటుంది అనే దానిపై ప్రస్తుతానికి ఎటువంటి క్లారిటీ లేదు. ఫిఫా టాప్ 50లో ఉన్న జట్టుతో అర్జెంటీనా తలపడనుందని సమాచారం. ఆస్ట్రేలియా (24), ఇరాన్ (19), జపాన్ (15), సౌత్ కొరియా (22), ఖతార్ (46) ర్యాంకింగ్‌లో ముందున్నాయి.
మెస్సీ, రొనాల్డోను అధిగమించిన యంగ్ ప్లేయర్! - బెస్ట్ ఫుట్బాలర్గా ప్రతిష్టాత్మక అవార్డు!
పాపం మెస్సీకి ఇలా జరిగిందేంటి?- వెక్కి వెక్కి ఏడ్చేశాడు - Lionel Messi Copa America 2024
