అభివృద్ధి పనులను ప్రారంభించిన సభాపతి

నిజామాబాద్​లోని వర్ని మండలంలో శాసనసభాపతి పోచారం శ్రీనివాస్​రెడ్డి పలు అభివృద్ధి పనులను ప్రారంభించారు. ప్రభుత్వం అమలుచేస్తోన్న పథకాలను గ్రామస్థులకు వివరించారు.

నిజామాబాద్ జిల్లా వర్ని మండలం జకోరాలో నూతన గ్రామ పంచాయతీ భవనాన్ని శాసనసభాపతి పోచారం శ్రీనివాస్​రెడ్డి ప్రారంభించారు. అనంతరం కమ్యూనిటీహాల్ భవన నిర్మాణానికి భూమి పూజ చేశారు. రాష్ట్ర ప్రజల అభివృద్ధి కోసం ప్రభుత్వం ఎన్నో సంక్షేమ పథకాలు అందిస్తుందని పోచారం తెలిపారు. కాళేశ్వరం ఓ మహోన్నతమైన ప్రాజెక్టని కితాబిచ్చారు. ఈ ప్రాజెక్ట్ వల్ల కొన్ని లక్షల ఎకరాలకు సాగునీరు అందుతుందని పేర్కొన్నారు.

ఇవీ చూడండి: అందుకే 'ఆమె'ను తొలగించారా..!