కరోనా మహమ్మారి కొన్ని కుటుంబాలపై కక్ష పడుతోంది. నిర్మల్ జిల్లా సోన్ మండలంలోని న్యూవెల్మల్ గ్రామంలో ఒకే కుటుంబానికి చెందిన ముగ్గురు ఇరువై రోజుల వ్యవధిలో కరోనా బారినపడి మృతి చెందడం గ్రామస్థులను తీవ్రంగా కలచివేసింది. గ్రామానికి చెందిన రాజ్కుమార్(35) అనే యువకుడు కరోనా వ్యాధితో గురువారం మృతిచెందాడు.
గత 15 రోజుల క్రితం కొవిడ్ సోకడంతో చికిత్స నిమిత్తం హైదరాబాద్లోని ఓ ప్రైవేటు అసుపత్రికి తరలించగా.. చికిత్స పొందుతూ మృతి చెందారు. ఇరువై రోజుల వ్యవధిలో తల్లి శకుంతల(70), తండ్రి కిషన్(75) కరోనా వైరస్తో చికిత్స పొందుతూ మరణించారు. చిరు వ్యాపారం చేసుకుంటూ జీవనోపాధి పొందుతున్న కుటుంబంలో ముగ్గులు మృత్యువాత పడటంతో గ్రామంలో విషాదఛాయలు అలుముకున్నాయి.
ఇదీ చదవండి: చికిత్స కోసం వచ్చే ఇతర రాష్ట్రాల రోగులకు మార్గదర్శకాలు
