నిర్మల్ జిల్లాలో నివసిస్తున్న వలస కూలీలకు ఎస్పీ శశిధర్ రాజు చేయూతనందించారు. పశ్చిమ బెంగాల్ మాల్డా జిల్లాకు చెందిన వలస కూలీలను ప్రత్యేక వాహనంలో వారి వారి స్వస్థలాలకు పంపించడం జరిగిందని ఆయన తెలిపారు. అదేవిధంగా కాలి నడకన వెళ్లే కూలీలను జిల్లా పోలీసుల ఆధ్వర్యములో తగు విధముగా సహాయ సహకారాలు అందిస్తున్నట్లు వెల్లడించారు.
ప్రజలెవ్వరూ మాస్కులు లేకుండా బయటకు రావద్దని సూచించారు. వ్యక్తిగత శుభ్రతతోపాటు భౌతికదూరం పాటించాలని పేర్కొన్నారు. ఎస్పీ ఆదేశాల మేరకు గంజల్ టోల్ ప్లాజా వద్ద వలస కూలీలకు భోజనం, పండ్లను పంపిణీ చేశారు.
