ధాన్యం కొనుగోలు కేంద్రాల్లో రైతులకు ఎలాంటి ఇబ్బందులు రాకుండా చూడాలని నిర్మల్ కలెక్టర్ ముషారఫ్ అలీ ఫారూఖీ అధికారులను ఆదేశించారు. కలెక్టరేట్లో అధికారులతో ఆయన సమీక్ష సమావేశం నిర్వహించారు. కేంద్రాల నుంచి ధాన్యాన్ని ఎప్పటికప్పుడు మిల్లులకు తరలించాలని వారికి సూచించారు.
జిల్లాలో 189 కేంద్రాలకు గాను.. ఇప్పటికే 54 కేంద్రాలను ప్రారంభించినట్లు కలెక్టర్ పేర్కొన్నారు. ఇప్పటివరకు 2, 450 మెట్రిక్ టన్నుల ధాన్యం కొనుగోలు చేసినట్లు వివరించారు. ధాన్యాన్ని నాణ్యత ప్రమాణాలతో తీసుకురావాలని రైతులకు సూచించారు. ఈ సమావేశంలో అదనపు కలెక్టర్ రాంబాబు, డీఆర్డీఓ వెంకటేశ్వర్లు, జిల్లా పౌరసరఫరాల శాఖ అధికారి కిరణ్ కుమార్, తహసీల్దార్లు, తదితరులు పాల్గొన్నారు.
ఇదీ చదవండి: టీకా కేంద్రాల వద్ద బారులు... వేచిచూసినా దొరకని వ్యాక్సిన్లు
