నిర్మల్ జిల్లాలో పలు అభివృద్ధి పనులకు మంత్రి అల్లోల ఇంద్రకరణ్ రెడ్డి శంకుస్థాపన చేశారు. జిల్లా కేంద్రంలోని గాజుల పేట్ చౌరస్తా నుంచి లంగ్డాపూర్, వెంగ్వాపేట్ మీదుగా ఆలూర్ వరకు నిర్మించనున్న డబుల్ రోడ్డు నిర్మాణ పనులు ప్రారంభించారు. మొదటగా డ్రైనేజీ పనులు పూర్తి చేసి రహదారి నిర్మాణం చేపట్టనున్నట్లు మంత్రి తెలిపారు.
అనంతరం రాంరావ్బాగ్లోని జౌళి నాల పూడికతీత పనులను ప్రారంభించారు. కార్యక్రమంలో బోథ్ ఎమ్మెల్యే రాఠోడ్ బాపురావు, మున్సిపల్ ఛైర్మన్ గండ్రత్ ఈశ్వర్, గ్రంథాలయ సంస్థ ఛైర్మన్ ఎర్రవోతు రాజేందర్, ఎఫ్ఎస్ సీఎస్ ఛైర్మన్ ధర్మాజీ రాజేందర్ తదితరులు పాల్గొన్నారు.
ఇదీ చూడండి; రాష్ట్రంలో పటిష్టంగా అమలవుతున్న లాక్‌డౌన్‌
