ప్రతి అదివారం పది గంటలకు పది నిముషాలు కార్యక్రమంలో భాగంగా నిర్మల్ జిల్లా కేంద్రంలోరాష్ట్ర మంత్రి ఇంద్రకరణ్రెడ్డి మంత్రి క్యాంపు కార్యాలయంలో పేరుకుపోయిన వర్షపు నీటిని శుభ్రం చేసి, గార్డెన్లో మొక్కలను సరిచేశారు. కార్యక్రమంలో మాజీ డీసీసీబీ ఛైర్మన్ రాంకిషన్ రెడ్డి, నిర్మల్ మున్సిపల్ ఛైర్మన్ ఈశ్వర్,ఎంపీపీ రామేశ్వర్ రెడ్డి తదితర అధికారులు, ప్రజాప్రతినిధులు పాల్గొన్నారు.
పురపాలక శాఖ మంత్రి కేటీఆర్ పిలుపు మేరకు సీజనల్ వ్యాధుల నివారణ కోసం ప్రతి ఒక్కరూ తమ ఇళ్లలోని పరిసరాలను పరిశుభ్రంగా ఉంచుకోవాలని మంత్రి ఇంద్రకరణ్రెడ్డి సూచించారు. గత ఐదు రోజుల నుంచి రాష్ట్రవ్యాప్తంగా వర్షాలు కురుస్తున్నందున ఇంటి పరిసరాల్లో నీరు నిల్వలేకుండా చూడాలన్నారు.
