సదర్​మాట్​ బ్యారేజీని సందర్శించిన ఇంద్రకరణ్​ రెడ్డి

నిర్మల్ జిల్లా మామడ మండలం పొన్కల్​ వద్ద గోదావరిపై నిర్మిస్తున్న సదర్​మాట్​ బ్యారేజీని రాష్ట్ర మంత్రి అల్లోల ఇంద్రకరణ్ రెడ్డి,  సీఎంవో కార్యదర్శి స్మితా సబర్వాల్  సందర్శించారు. క్షేత్రస్థాయిలో బ్యారేజీ పనులను పరిశీలించారు.

నిర్మల్​ జిల్లా మామడ మండలం పొన్కల్​ వద్ద నిర్మిస్తున్న సదర్​మాట్​ బ్యారేజీ నిర్మాణ పనులను మంత్రి ఇంద్రకరణ్​ రెడ్డి, సీఎంవో స్మితా సబర్వాల్​ పరిశీలించారు. ప్రాజెక్టు నిలిచిపోవడానికి గల కారణాలను గుత్తేదారుని అడిగి తెలుసుకున్నారు.

మంత్రితో కలిసి సీఎంవో స్మితా సబర్వాల్​ ఏరియల్​ వ్యూ ద్వారా సదర్​మాట్​ ప్రాజెక్టును పరిశీలించారు. పనుల పురోగతిపై ఇరిగేషన్​ అధికారులతో చర్చించారు.

ఈ కార్యక్రమంలో కలెక్టర్​ ప్రశాంతితో పాటు ఎమ్మెల్యేలు విఠల్​ రెడ్డి, రేఖా నాయక్​, నీటిపారుదల శాఖ ఈఎన్సీ మురళీధర్​ పాల్గొన్నారు.

• ఇదీ చూడండి: వైకల్యమే సిగ్గుపడేలా.. తోటివారికి సమానంగా..