లాక్డౌన్ వేళ ఆకలితో అలమటిస్తున్న వలస కూలీలకు ఆపన్నహస్తం అందించారు నిర్మల్ జిల్లా కడ్తాల్ గ్రామ యువకులు. కాలినడకగా వెళ్తోన్న 200 మందికి ఆహారం అందించి దాతృత్వం చాటుకున్నారు. పొరుగు రాష్ట్రాల నుంచి తెలంగాణకు వచ్చి లాక్డౌన్ కారణంగా చిక్కుకుపోయి సొంత రాష్ట్రాలకు కాలినడకన వెళ్తోన్న వలస కూలీలకు అండగా ఉండాలని ఈ కార్యక్రమం చేపట్టినట్లు యువకులు తెలిపారు.
ఆకలితో అలమటిస్తున్న వలస కూలీలను ఆదుకునేందుకు దాతలు ముందుకు రావాలని వైస్ ఎంపీపీ నరేశ్ కోరారు. అన్నదానంతో కూలీల ఆకలి తీరుస్తున్న గ్రామ యువతను పలువురు ప్రశంసిస్తున్నారు.
