పార్కుల్లో కనిపిస్తే పెళ్లి చేస్తాం: భజరంగదళ్​

పార్కుల్లో , ఇతర ప్రదేశాల్లో ప్రేమికులు కంటపడితే పెళ్లి చేస్తామని భజరంగ్‌దళ్​, వీహెచ్‌పీ హెచ్చరిస్తున్నాయి. నిజమైన ప్రేమకు తాము వ్యతిరేకం కాదని, ప్రేమ ముసుగులో అసాంఘీక కార్యక్రమాలకు పాల్పడుతున్నారని ఆగ్రహం వ్యక్తం చేశారు.

ప్రేమికుల దినోత్సవాన్ని వ్యతిరేకిస్తూ భజరంగదళ్​ ఆందోళన ఉధృతం చేసింది. నిర్మల్‌ జిల్లా కేంద్రంలో భజరంగ్‌దళ్​, వీహెచ్‌పీ ఆధ్వర్యంలో నిరసన చేపట్టారు. నిజమైన ప్రేమకు తాము వ్యతిరేకం కాదని తెలిపారు. యువత పాశ్చాత్య సంస్కృతిని విడాలని.. ప్రేమికుల రోజును నిషేధించాలని డిమాండ్​ చేశారు. ప్రేమ ముసుగులోయువత అసాంఘీక కార్యక్రమాలకు పాల్పడుతున్నారని ఆగ్రహం వ్యక్తం చేశారు. . పార్కుల్లో , ఇతర ప్రదేశాల్లో తారస పడితే వివాహం జరిపిస్తామని హెచ్చరించారు.