నారాయణపేట జిల్లా సరిహద్దులో భద్రత కట్టుదిట్టం

నారాయణపేట జిల్లా సరిహద్దు చెక్​పోస్టుల వద్ద భద్రతను కట్టుదిట్టం చేశారు. సరిహద్దు రాష్ట్రమైన కర్ణాటకలోని యాద్గిర్​, రాయచూర్​ జిల్లాలో కరోనా కేసులు పెరుగుతున్న దృష్ట్యా.... ఎస్పీ చేతన భద్రతను పరిశీలించారు. ఎవ్వరినీ అనుమతించకూడదని ఆదేశాలు జారీ చేశారు.

నారాయణపేట జిల్లా సరిహద్దు రాష్ట్రమైన కర్ణాటకలోని యాద్గిర్, రాయచూర్ జిల్లాలో కరోనా కేసులు పెరుగుతున్న దృష్ట్యా... జలాల్​పూర్ చెక్​పోస్టు వద్ద భద్రతా ఏర్పాట్లను ఎస్పీ డాక్టర్​ చేతన పరిశీలించారు. చెక్​పోస్టు దగ్గర ఏటువంటి వాహనాలను అనుమతించవద్దని సిబ్బందిని ఆదేశించారు. మెడికల్, ఆసుపత్రికి సంబంధించిన అత్సవసర కేసుల వాహనాలు తప్ప మిగతా వాటిని అనుతించవద్దన్నారు.

చెక్​పోస్టు దగ్గర విధులు నిర్వహిస్తున్న పోలీస్ సిబ్బంది వసతుల గురించి అడిగి తెలుసుకున్నారు. సిబ్బందికి ఎలాంటి సమస్యలు లేకుండా చూసుకోవాలని... భోజనం, తాగునీరు, మాస్కులు శానిటైజర్లు ఎప్పటికప్పుడు సమకూర్చాలని అధికారులకు సూచించారు. జిల్లాలోని సరిహద్దు చెక్​పోస్టుల దగ్గర అప్రమత్తంగా ఉండాలని ఎస్పీ డాక్టర్ చేతన తెలిపారు.

ఇదీ చూడండి: రైతు రుణమాఫి చెక్కులను పంపిణీ చేసిన మంత్రి ఈటల