నల్లగొండ జిల్లా మిర్యాలగూడలోని సుందర్ నగర్కు చెందిన వేముల కోటేష్ (22) ఈ నెల 17న స్నేహితులతో కలిసి పట్టణంలోని తుమ్మడం కోట మైసమ్మ వద్ద పుట్టినరోజు వేడుకల్లో పాల్గొనడానికి వెళ్లాడు. రెండు రోజులైనా తిరిగి ఇంటికి రాలేదు. కంగారు పడిన తల్లి మిర్యాలగూడ ఒకటవ పట్టణ పోలీస్ స్టేషన్లో ఫిర్యాదు చేసింది. కోటేష్ స్నేహితులను నిలదీయగా.. సాగర్ ఎడమ కాలువలో పడిపోయాడని.. ఒక్కొక్కరు ఒక్కోలా సమాధానం చెప్పారు. పొంతన లేని సమాధానాలు చెప్పడం వల్ల వారిని అనుమానించిన మిర్యాలగూడ పోలీసులు కేసు నమోదు చేసి దర్యాప్తు చేస్తున్నారు. నవమాసాలు మోసి కన్న కొడుకు కనిపించకుండా పోవడం వల్ల ఆ తల్లి గుండెలు పగిలేలా ఏడుస్తున్న దృశ్యం చూసేవారిని కంటతడి పెట్టిస్తున్నది.
ఇవీ చూడండి: 'బాధిత కుటుంబాలకు అండగా ఉంటాం'
