వ్యాధిగ్రస్థ చిన్నారుల ఆకలి తీర్చిన వ్యాపారులు

లాక్​డౌన్​ నేపథ్యంలో నల్గొండ జిల్లాలోని ఆకలితో అలమటిస్తున్న వ్యాధిగ్రస్థ చిన్నారులను ఇద్దరు వ్యాపారులు చేరదీశారు. వారి ఆకలితీర్చడానికి అవసరమైన సామగ్రిని అందించి మనసున్న మారాజులనిపించుకున్నారు.

లాక్​డౌన్ దృష్ట్యా నిత్యావసరాల కొరత వల్ల ఆకలితో అలమటిస్తున్న వ్యాధిగ్రస్థ చిన్నారులకు నల్గొండలోని ఇద్దరు వ్యాపారులు ఆపన్నహస్తం అందించారు. జిల్లా కేంద్రంలోని భాగ్యలత చిట్​ఫండ్స్ యజమానులు శ్రీనివాస్, డీవీఎన్ రెడ్డి చిన్నారులకు కావాల్సిన సామాగ్రి వితరణకు ముందుకొచ్చారు.

స్థానిక డీఎస్సీ వెంకటేశ్వర్ రెడ్డి చేతుల మీదుగా... చిన్నారుల ఆకలి తీర్చే సరుకులను అందజేశారు. బాలసదన్​తోపాటు చారుమతి చైల్డ్ కేర్​లోని పిల్లలకు సరకులు అందించి సేవాభావాన్ని చాటుకున్నారు. 60 మంది ఎయిడ్స్ వ్యాధి బాధిత చిన్నారులకు 60 వేల రూపాయల విలువైన వస్తువులు అందజేసి మనసున్న మారాజులుగా నిలిచారు.

ఇవీ చూడండి: సీరియస్​గా తీసుకోకపోతే ముప్పు తప్పదు: మంత్రి కేటీఆర్