రైతు బంధు పథకంతో అన్నదాతలకు సీఎం కేసీఆర్ అండగా నిలుస్తున్నారని ఎమ్మెల్సీ పల్లా రాజేశ్వర్ రెడ్డి అన్నారు. సంక్షేపథకాల అమలులో మనమే మొదటి స్థానంలో ఉన్నామని తెలిపారు. నాగార్జునసాగర్ ఉపఎన్నిక ప్రచారంలో భాగంగా నల్గొండ జిల్లా త్రిపురారం మండలంలోని బడాయిగడ్డ, డొంక తండా, లోక్యా తండా, అప్పలమ్మగూడెం, బొర్రాయి పాలెం రాజేంద్రనగర్ పర్యటించారు.
ఉప ఎన్నికల్లో నోముల నర్సింహయ్య వారసుడు భగత్ను మీ బిడ్డగా భావించి గెలిపించాలని విజ్ఞప్తి చేశారు. మీకు ఎప్పుడు అందుబాటులో ఉండి సమస్యల పరిష్కారానికి కృషి చేస్తాడని పేర్కొన్నారు. తెరాస అభ్యర్థిని అత్యధిక మెజార్టీతో గెలిపించాలని పల్లా రాజేశ్వర్ రెడ్డి ఓటర్లను కోరారు. ఈ ప్రచారంలో ఎన్నికల మండల ఇంఛార్జ్ ఎమ్మెల్యే శంకర్ నాయక్, జిల్లా రైతు బంధు అధ్యక్షుడు రాంచందర్ నాయక్, కార్యకర్తలు పాల్గొన్నారు.
