TELANGANA SOCIAL WORKER: రోజు రోజుకు మహిళలపై జరుగుతున్న అత్యాచారాలకు నిరసనగా ఛలో రాష్ట్రపతి భవన్ పేరిట తెలంగాణకు చెందిన సామాజిక కార్యకర్త సరికొండ రిషికేశ్వర్ రాజు సైకిల్ యాత్ర చేపట్టారు. నల్గొండ జిల్లా మిర్యాలగూడ నుంచి ఈ యాత్ర ప్రారంభించారు. దాదాపు 1600 కిలోమీటర్లు ప్రయాణం చేసి శనివారం అర్ధరాత్రి ఉత్తర్ప్రదేశ్లోని మధుర చేరుకున్నారు. దేశంలో మహిళలు, ఆడబిడ్డలపై అఘాయిత్యాలు పెరిగిపోయాయని సరికొండ రిషికేశ్వర్ అన్నారు. తన వంతు బాధ్యతగా అత్యాచారాలపై పోరాడేందుకు రాష్ట్రపతిని కలిసి లేఖ ఇవ్వనున్నట్లు తెలిపారు.
అంతర్జాతీయ మహిళా దినోత్సవం సందర్భంగా మార్చి 8న మిర్యాలగూడలో సైకిల్ యాత్ర ప్రారంభించినట్లు తెలిపారు. యాత్ర ప్రారంభించిన 26 రోజుల్లో మధురకు చేరుకున్నారు. రాష్ట్రంలో మహిళలు, పిల్లలు, వృద్ధులపై రోజురోజుకూ అఘాయిత్యాలు పెరిగిపోతున్నాయని సామాజిక కార్యకర్త రాజు ఆవేదన వ్యక్తం చేశారు.
"కేంద్ర ప్రభుత్వం ఈ విషయాన్ని సీరియస్‌గా తీసుకుని నిందితులను కఠినంగా శిక్షించేలా చట్టం చేయాలి. దేశంలో, రాష్ట్రంలో మహిళలు, ఆడబిడ్డలు అభద్రతా భావంతో ఉన్నారు. మహిళలు, బాలికల రక్షణకై నేను పోరాటం సాగిస్తున్నాను. హైదరాబాద్తో పాటు రాష్ట్రంలో అత్యాచారాలు పెరిగిపోయాయి."
- సరికొండ రిషికేశ్వర్ రాజు, సామాజిక కార్యకర్త
- ఇదీ చదవండి : CCTV Video: గన్స్తో బెదిరించి నడిరోడ్డుపైనే లూటీ
