జైపాల్​రెడ్డి మృతదేహంతో కార్మికుల ఆందోళన

నల్గొండ జిల్లా దేవరకొండలో గుండెపోటుతో మృతి చెందిన ఆర్టీసీ డ్రైవర్ మృతదేహంతో రోడ్డుపై బైఠాయించి ధర్నా చేశారు. అనంతరం అంత్యక్రియల కోసం హైదరాబాద్​ తరలించారు.

నల్గొండ జిల్లా నాంపల్లి మండలం పగిడిపల్లికి చెందిన జైపాల్​ రెడ్డి కుటుంబంతో హైదరాబాద్​లో నివాసముంటున్నాడు. దేవరకొండ డిపోలో ఆర్టీసీ డ్రైవర్​గా పనిచేస్తున్న జైపాల్​రెడ్డి... నిన్న జరిగిన కార్మికుల సమ్మెలో పాల్గొన్నాడు. సమ్మె ముగిశాక.. ఇంటికి చేరుకున్న జైపాల్​రెడ్డి గుండెపోటుతో మృతి చెందాడు.

జైపాల్​రెడ్డి మృతదేహాన్ని దేవరకొండ డిపో ముందు ఉంచి కుటుంబ సభ్యులు, కార్మికులు ధర్నా చేశారు. పలు రాజకీయ పార్టీల నాయకులు పట్టణ బంద్​కు పిలుపునిచ్చారు. మృతదేహంతో రోడ్డుపై బైఠాయించి రాస్తారోకో నిర్వహించగా... కాసేపు ట్రాఫిక్​కు అంతరాయం కలిగింది.

మృతదేహంతో స్థానికి డిపో నుంచి కొండల్​రావు బంగ్లా వరకు ర్యాలీగా వెళ్లి అంత్యక్రియల కోసం హైదరాబాద్​ తరలించారు.

• ఇదీ చూడండి : పెను విషాదం... ఒకే కుటుంబంలో ముగ్గురు బలవన్మరణం