గాంధీ జయంతిని పురస్కరించుకుని స్వచ్ఛ సర్వేక్షన్లో భాగంగా నల్గొండ జిల్లా మిర్యాలగూడలో నిర్మించిన 6 పబ్లిక్ టాయిలెట్లను ఎమ్మెల్యే భాస్కర రావు ప్రారంభించారు. స్వచ్ఛ సర్వేక్షన్లో భాగంగా పట్టణ పరిసర ప్రాంతాల్లో 60 నుంచి 70 టాయిలెట్లను నిర్మించనున్నట్లు తెలిపారు. పట్టణంలో పారిశుద్ధ్యం మెరుగుపడటానికే ఈ మరుగుదొడ్లు ఏర్పాటు చేసినట్లు వెల్లడించారు.
పట్టణాభివృద్ధి మంత్రి కేటీఆర్ పిలుపుమేరకు అన్ని మున్సిపాలిటీల్లో సామాజిక మరుగుదొడ్లు ప్రారంభించినట్లు ఎమ్మెల్యే భాస్కర రావు తెలిపారు. ప్రజలు వీటిని సద్వినియోగం చేసుకుని, పరిసరాలు పరిశుభ్రంగా ఉంచేందుకు కృషి చేయాలని కోరారు. ఈ కార్యక్రమంలో మిర్యాలగూడ మున్సిపల్ కమిషనర్ చీమ వెంకన్న, కౌన్సిలర్లు, ప్రజా ప్రతినిధులు పాల్గొన్నారు.
