నల్గొండలో ఎన్నికల పోలింగ్​కు సర్వం సిద్ధం

ఎన్నికల పండుగకు సిబ్బంది సిద్ధమయ్యారు. తమకు కేటాయించిన కేంద్రాలకు ఈవీఎంలతో పయనమవుతున్నారు. నల్గొండ జిల్లా నాగార్జున సాగర్​లో పంపిణీ ప్రక్రియను జిల్లా పాలనాధికారి గౌరవ్​ ఉప్పల్​ పరిశీలించారు.

నల్గొండ జిల్లా నాగార్జునసాగర్​లో పార్లమెంట్ ఎన్నికల సామగ్రిని నిర్మల ఉన్నత పాఠశాలలో ఏర్పాటు చేసిన పంపిణీ కేంద్రం నుంచి తరలిస్తున్నారు. ఎన్నికల సిబ్బంది ఈవీఎంలతో వారికి కేటాయించిన పోలింగ్​ కేంద్రాలకు పయనమవుతున్నారు. జిల్లా పాలనాధికారి గౌరవ్​ ఉప్పల్​ ప్రక్రియను పరిశీలించారు. దాదాపు 293 కేంద్రాల్లో 2000 మంది సిబ్బందిని ఎన్నికల విధులకు కేటాయించారు.

30 కేంద్రాలు సీసీ కెమెరాలతో నిఘా

పోలింగ్​ విధుల్లో పాల్గొనే సిబ్బందికి కలెక్టర్​ సూచనలిచ్చారు. మొత్తం 30 కేంద్రాల్లో సీసీ కెమెరాలతో వెబ్​కాస్టింగ్​ నిర్వహిస్తున్నారు. నాలుగు కేంద్రాలు సమస్యాత్మకమైనవిగా గుర్తించి పోలీసులు అదనపు భద్రత కల్పించారు.

ఇదీ చదవండి : మట్టి దిబ్బ కూలి పది మంది మృతి