పోతిరెడ్డిపాడు నుంచి క్రమ క్రమంగా 88 వేల క్యూసెక్కుల నీళ్లను సంగమేశ్వరం లిఫ్ట్ ద్వారా తీసుకెళ్లి రంగారెడ్డి, నల్గొండ, మహబూబ్నగర్, ఖమ్మం జిల్లాలను ఎడారిగా మార్చాలని సీఎం కేసీఆర్ చూస్తున్నారని భువనగిరి ఎంపీ కోమటిరెడ్డి వెంకట్రెడ్డి ఆరోపించారు. 203 జీవోను తీసుకొచ్చి దాదాపు పది రోజులైనా ఇప్పటివరకు దానిపై స్పందించలేదని విమర్శించారు.
"డిండీ ప్రాజెక్టు మొదలు పెట్టినప్పుడే.. కాళేశ్వరం ప్రాజెక్టు మొదలుపెట్టి 90 శాతం పూర్తి చేశారు. డిండీ ప్రాజెక్టు మాత్రం 9 శాతం మాత్రమే ఎందుకు పూర్తయ్యింది. దక్షిణ తెలంగాణపై సవతి తల్లి ప్రేమ చూపిస్తున్నారు. ఏపీలో ప్రభుత్వమే బత్తాయి పంటను టన్నుకు 25 వేల నుంచి 30 వేల వరకు కొనుగోలు చేస్తుంది. మన రాష్ట్రంలో బత్తాయి ఎందుకు కొనుగోలు చేసుకోలేదు. ఈ ప్రభుత్వం అన్నిట్లో విఫలమైంది."
-కోమటిరెడ్డి వెంకట్రెడ్డి, భువనగిరి ఎంపీ
ఎంపీ కోమటిరెడ్డి వెంకట్రెడ్డి ప్రశ్న
తెలంగాణ ఉద్యమ సమయంలో చాలా స్పష్టంగా పోతిరెడ్డిపాడుపై తమ వైఖరిని చెప్పామని.. పోతిరెడ్డిపాడుకు వ్యతిరేకంగా తెరాస అనేక పోరాటాలు చేసిందని ప్రభుత్వ విప్ కర్నె ప్రభాకర్ తెలిపారు. 2001 నుంచి 2014 వరకు సందర్భం వచ్చినప్పుడల్లా నదీజలాల్లో తెలంగాణ వాటా కోసం చాలా స్పష్టంగా కొట్లాడంమన్నారు.
"950 టీంఎంసీల గోదావరి, కృష్ణ జలాలు తెలంగాణకి న్యాయంగా రావాలి. తప్పకుండా తీసుకునే ప్రయత్నం చేస్తాం. గతంలో తెరాస.. హంద్రీనీవా ప్రాజెక్టును పూర్తి చేసి తీసుకొచ్చినప్పుడు ప్రతిపక్షాలన్నీ హారతులు పట్టాయి. అటువంటిది ఇప్పుడు డు తెలంగాణ ప్రభుత్వంపై విమర్శించడం ఆకాశం మీద ఉమ్మి వేసినట్లే.
-కర్నె ప్రభాకర్, ప్రభుత్వ విప్
నల్గొండలోని జిల్లా పరిషత్ కార్యాలయంలో జడ్పీ సర్వసభ్య సమావేశం ఛైర్మన్ బండా నరేందర్ రెడ్డి అధ్యక్షతన జరిగింది. ఈ సమావేశంలో జిల్లా కలెక్టర్, ఎంపీలు, ఎమ్మెల్యేలు, ప్రజాప్రతినిధులు హాజరయ్యారు.
ఇదీ చదవండి:'వలస కార్మికుల తరలింపులో చొరవ తీసుకోండి
