నల్గొండ జిల్లా నాగార్జునసాగర్ నియోజకవర్గంలోని హాలియాలో ఈ నెల 10న జరగనున్న తెరాస బహిరంగసభను విజయవంతం చేయాలని ఎమ్మెల్సీ తేరా చిన్నపరెడ్డి కోరారు. అనుముల మండలం 14వ మైలు(అలీ నగర్) సమీపంలో ఈ సమావేశం జరగనుంది. సభా స్థలంలో జరుగుతున్న ఏర్పాట్లను చిన్నపరెడ్డి పరిశీలించారు. పనుల వివరాలు అడిగి తెలుసుకున్నారు.
జిల్లాను అన్ని రంగాల్లో అభివృద్ధి పథంలో నడిపించిన ఘనత ముఖ్యమంత్రి కేసీఆర్కే దక్కుతుందన్నారు. నెల్లికల్లులో లిఫ్ట్తో పాటు మరో తొమ్మిది లిఫ్ట్లకు శంకుస్థాపన చేయనున్నట్లు తెలిపారు. ఉమ్మడి జిల్లా వ్యాప్తంగా తెరాస పార్టీ నాయకులు, కార్యకర్తలు, రైతులు అధిక సంఖ్యలో హాజరుకావాలని కోరారు. 2 లక్షల మంది సభకు తరలి వచ్చే అవకాశం ఉందని ఆయన అంచనా వేశారు.
ఇదీ చూడండి: రెండో రోజుకు రేవంత్ రెడ్డి పాదయాత్ర.. ప్రజా సమస్యలపై ఆరా
