కుటుంబసభ్యులకు తెలియకుండా వివాహం.. పోలీసులను ఆశ్రయించిన ప్రేమజంట

Love Marriage: కుటుంబసభ్యులకు తెలియకుండా వివాహం చేసుకున్న ఓ ప్రేమ జంట.. తమకు రక్షణ కల్పించాలని కోరుతూ నల్గొండ జిల్లా మిర్యాలగూడ పోలీసులను ఆశ్రయించింది. కుటుంబసభ్యులు తమకు హాని కలిగించే ప్రమాదం ఉందని.. భద్రత కల్పించాలని యువతీ యువకులు కోరారు.

Love Marriage: ఇద్దరూ ప్రేమించుకున్నారు. చదువు పూర్తి చేశారు. ఉద్యోగాల వేటలో నిమగ్నమయ్యారు. ఆ సమయంలోనే పెద్దలు తమ ప్రేమకు నిరాకరిస్తారని భావించి.. రహస్యంగా పెళ్లి కూడా చేసుకున్నారు. తర్వాత ఎవరింట్లో వారు ఉంటున్న క్రమంలోనే వారి ప్రేమ విషయం కుటుంబసభ్యులకు తెలిసిపోయింది. తమను విడదీసేస్తారనే భయంతో.. ఇద్దరూ పోలీసులను ఆశ్రయించారు.