'తెరాస పాలనలో ఎస్సీలకు అడుగడుగునా అన్యాయమే'

తెరాస పాలనలో ఎస్సీలకు అన్యాయం జరుగుతోందని కుల వివక్ష వ్యతిరేక పోరాట సమితి విమర్శించింది. నల్గొండ జిల్లా మహాసభల్లో ప్రభుత్వ విధానాలపై మండిపడ్డారు.

కేసీఆర్​ ముఖ్యమంత్రి అయ్యాక ఎస్సీలకు అడుగడుగునా అన్యాయం జరుగుతోందని కులవివక్ష పోరాట సమితి రాష్ట్ర కార్యదర్శి స్కైలాబ్​ బాబు అన్నారు. నల్గొండ జిల్లా చిట్యాలలో కేవీపీఎస్ జిల్లా మహాసభలకు ఆయన హాజరయ్యారు. కేంద్రం ప్రభుత్వం రాజ్యాంగాన్ని తుంగలో తొక్కి మనుధర్మ విధానాన్ని అమలు చేస్తోందని ఆరోపించారు. దేశానికి భాజపాతో ప్రమాదం ఉందన్నారు.

ఇదీ చూడండి :ఆస్తులు పంచుకున్నారు... అమ్మానాన్నని మరిచారు...