Prodigy Finance Report On Opportunities in Different Sectors in Abroad : ఇంజినీరింగ్ తర్వాత ఎంఎస్‌, డిగ్రీ తర్వాత ఎంబీఏ చేయాలన్నా మన దేశం నుంచి ఉన్నత విద్య కోసం కెనడా, అమెరికా, యూకే, ఆస్ట్రేలియా, ఐరోపాలకు దేశాలకు వెళ్లేందుకు విద్యార్థులు ప్రధాన ప్రాధాన్యం ఇస్తున్నారు. 100 మందిలో 90 మంది ఈ కోర్సులను చదవడానికే విదేశాలకు వెళ్తున్నారు. మేనేజ్‌మెంట్‌, స్టెమ్ (సైన్స్, టెక్నాలజీ, ఇంజినీరింగ్, మ్యాథ్స్‌) కోర్సులు లేకుంటే పిల్లలతో పాటు తల్లిదండ్రులు కూడా ఒప్పుకోవడం లేదు.
అమెరికాలో స్టెమ్ కోర్సుకు వెళ్లే విద్యార్థులకు 5 సంవత్సరాల స్టూడెంట్ వీసా దొరుకుతుంది. రెండేళ్ల మాస్టర్‌ డిగ్రీ తర్వాత మూడేళ్ల ఓపీటీ (ఆప్షనల్‌ ప్రాక్టికల్ ట్రైనింగ్‌) లభిస్తుంది. అందువల్ల ఎక్కువ మంది విద్యార్థులు స్టెమ్ ప్రోగ్రాములనే ఇష్టపడుతున్నారు. ఇవేకాకుండా మరికొన్ని ఇతర రంగాల్లోనూ చాలా అవకాశాలున్నాయని, ఈ రంగాలు ఇప్పుడిప్పుడే భారతీయ విద్యార్థులతో పాటు ఇతర దేశాల విద్యార్థులను ఆకర్షిస్తున్నాయని విద్యాభ్యాసానికి రుణాలు, ఉపకార వేతనాలు ఇచ్చే సంస్థ ప్రాడిజీ ఫైనాన్స్‌ తాజా నివేధికలో పేర్కొంది. దాని ప్రకారం
- పబ్లిక్‌ పాలసీ, పబ్లిక్‌ హెల్త్, ఎకౌంటింగ్, బయోలాజికల్‌ సైన్సెస్‌లో, లా కోర్సుల్లోనూ మెరుగైన అవకాశాలు విద్యార్థులకు లభిస్తున్నారు.
- భిన్న రంగాలకు చెందిన కోర్సులు అందించడం ద్వారా, మెరుగైన అవకాశాలు అందిపుచ్చుకునేలా విద్యార్థుల స్కిల్‌ పెంచడంలో హార్వర్డ్‌, స్టాన్‌ఫోర్డ్‌ లా స్కూల్‌, జాన్‌ హాప్‌కిన్స్‌ యూనివర్సిటీ అగ్రస్థానంలో ఉన్నాయి.
ఈ కోర్సు గురించి తెలుసా : ఈ ఏడాదిలో ఇంజినీరింగ్, ఎంబీఏ కోర్సులు కాకుండా ఇతర ప్రోగ్రాముల్లో మాస్టర్‌ ఆఫ్ పబ్లిక్‌ పాలసీ (ఎంపీపీ) ప్రథమ స్థానంలో ఉంది. సామాజిక, ప్రభుత్వ కార్యకలాపాల్లో ఆసక్తి ఉన్న విద్యార్థులు ఈ కోర్సును ఎంచుకుంటున్నారు. దీన్ని పూర్తి చేసిన వారికి పాలసి అనలిస్ట్‌, ప్రభుత్వ వ్యవహారాల డైరెక్టర్స్‌ వంటి ఉద్యోగ అవకాశాలు లభిస్తాయి. హార్వర్డ్‌, ఆక్స్‌ఫోర్డ్‌ యూనివర్సిటీ, బెర్కిలీ, యూనివర్సిటీ ఆఫ్ కాలిఫోర్నియా విద్యా సంస్థలు ఈ కోర్సును అందిస్తున్నాయి.
డిగ్రీ తర్వాత పీజీ విదేశాల్లో చేయాలని ఆలోచిస్తున్నారా? - కెరీర్ నిపుణులు ఏం చెబుతున్నారంటే?
కరోనా తర్వాత అవకాశాలు : కొవిడ్‌ - 19 తర్వాత ప్రజారోగ్యానికి ప్రాధాన్యం ఎంతో పెరిగింది. ఈ విభాగంలో మాస్టర్స్‌ చేసిన వారికి మార్కెట్‌లో మంచి డిమాండ్ ఉంది. వివిధ యూనివర్సిటీలు ఎపిడెమియాలీ, హెల్త్ పాలసీ, కమ్యూనిటీ హెల్త్ సర్వీసెస్‌ విభాగాల్లో గ్రాడ్యుయేషన్ ప్రోగ్రాములను ప్రారంభించాయి. జాన్‌ హాప్‌కిన్స్‌ యూనివర్సిటీ, లండన్‌ స్కూల్‌ ఆఫ్ హైజీన్ అండ్‌ ట్రాపికల్‌ మెడిసిన్‌, హార్వర్డ్‌ ఈ విభాగంలో క్రియాశీలక విద్యా సంస్థలుగా ఉన్నాయి.
- ఇటీవల కాలంలో విదేశాల్లో ఎల్‌ఎల్‌ఎం చదివే విద్యార్థులకు సంఖ్య బాగా పెరుగుతోంది. ఈ విభాగంలో స్టాన్‌ఫోర్డ్‌ లా స్కూల్‌, ఆస్ట్రేలియన్‌ నేషనల్‌ యూనివర్సిటీ, యూనివర్సిటీ కాలేజ్‌ ఆఫ్ లండన్‌ (యూసీఎల్‌)కి మంచి పేరుంది
- అకౌంటింగ్‌ కోర్సు చేయాలి అనుకునే విద్యార్థులు యూనివర్సిటీ ఆఫ్ ఇలినోయి, యూనివర్సిటీ ఆఫ్ మిస్సిసీపీ, న్యూయార్క్‌ యూనివర్సిటీలు బాగుంటాయి. బయోలాజికల్‌ సైన్సెస్‌లో యూనివర్సిటీ ఆఫ్ లీడ్, క్వీన్స్‌ యూనివర్సిటీ బెల్‌ఫాస్ట్, యూనివర్సిటీ ఆఫ్ కాలిఫోర్నియా శాంతాక్రజ్‌లు పేరుగాంచినవి. మాలిక్యులర్‌ బయాలజీ, ఎర్త్‌ సైన్స్, ఎకాలజీ విభాగాల్లో ఈ యూనివర్సిటీలు గ్రాడ్యుయేషన్ ప్రోగ్రాములు అందిస్తున్నాయి. వీటిని పూర్తిచేసిన విద్యార్థులకు ఫార్మాస్యూటికల్, రెన్యూవబుల్‌ ఎనర్జీ, బయోటెక్, పర్యావరణ పరిరక్షణ సంస్థల్లో ఉద్యోగావకాశాలు లభిస్తున్నాయి.
కనీస అర్హత ఉన్నా విదేశాల్లో మీకు లక్షల జీతంతో జాబ్ గ్యారెంటీ - ఎలాగో తెలుసుకోండి
విదేశాల్లో ఉద్యోగం కోసం ఎదురు చూస్తున్నారా?, ఇదిగో సువర్ణవకాశం - రేపే లాస్ట్డేట్
