ఆ వీఆర్​ఏపై కఠిన చర్యలు తీసుకోండి..

నల్గొండ జిల్లా దామరచర్ల మండలం కొండ్రపోలు వీఆర్​ఏ విజయ్ అవినీతి అక్రమాలపై కఠిన చర్యలు తీసుకోవాలని మిర్యాలగూడ ఆర్డీవోకి రైతులు ఫిర్యాదు చేశారు. తమ భూరికార్డుల విషయంలో పట్టాదారు పాసు పుస్తకాలు ఇప్పిస్తానని చెప్పి డబ్బులు వసూలు చేశాడని రైతులు తెలిపారు. ఒకరి పేరు మీద ఉన్న భూముల్ని మరొకరి పేరుకు మార్చి అనేక అవకతవకలు పాల్పడ్డాడని అన్నారు.

నల్గొండ జిల్లా దామరచర్ల మండలం కొండ్రపోలు వీఆర్​ఏ విజయ్ అవినీతి అక్రమాలపై చర్యలు తీసుకోవాలని మిర్యాలగూడ ఆర్డీవోకి రైతులు ఫిర్యాదు చేశారు. పట్టాదారు పాసు పుస్తకాల్లో భూమి వివరాలు నమోదు చేస్తానని రైతుల నుంచి డబ్బులు వసూలు చేసి ఇబ్బందులు పెడుతున్నాడని అన్నారు.

ఆ విషయం అడగడానికి వెళ్లిన రైతులు తనను వేధిస్తున్నారంటూ పోలీసులకు ఫిర్యాదు చేశారని చెబుతున్నారు. అతనిపై కఠిన చర్యలు తీసుకోవాలని రైతులు ఆవేదన వ్యక్తం చేశారు. అతనిపై తగిన చర్యలు తీసుకోవాలని ఆర్డీవోకి వినతిపత్రం అందించారు.

ఇదీ చూడండి : లాక్​డౌన్​ 5.0 రూల్స్​పై రాష్ట్రాల మాటే ఫైనల్!