గిరిజన నాయకుని ఇంట బండి సంజయ్​ భోజనం

నల్గొండ జిల్లా నాగార్జునసాగర్ ఉపఎన్నిక వేళ చివరి రోజు ప్రచారానికి నేతలు సిద్ధమయ్యారు. పలువురు నేతలు అక్కడే మకాం వేశారు. ఈ నేపథ్యంలో భాగంగా భాజపా రాష్ట్ర అధ్యక్షుడు బండి సంజయ్​ ఓ భాజపా నాయకుని ఇంట్లో భోజనం చేసి రాత్రి అక్కడే బస చేశారు.

నాగార్జునసాగర్ ఉపఎన్నిక వేళ తిరుమలగిరి మండలం రంగుండ్లలో గిరిజన భాజపా నాయకుడు పాండు నాయక్ ఇంట్లో భాజపా రాష్ట్ర అధ్యక్షుడు బండి సంజయ్ భోజనం చేశారు. ఈ సందర్భంగా భాజపా అభ్యర్థి రవి నాయక్, తదితరులు హాజరయ్యారు.

భోజనం అనంతరం సంజయ్​ అక్కడే వారి ఇంట్లోనే రాత్రి బస చేశారు. నాగార్జునసాగర్ ఉప ఎన్నికల ప్రచారం నేటితో ముగియనున్న నేపథ్యంలో బండి సంజయ్, అభ్యర్థి రవి కుమార్, తదితరు​లు అక్కడే మకాం వేసి ప్రచారంలో పాల్గొననున్నారు.

ఇదీ చూడండి: 'ఎవరు గెలిస్తే అభివృద్ధి జరుగుతుందో బేరీజు వేసుకోవాలి'