నల్గొండ జిల్లా కేతేపల్లి మండలం ఇనుపాముల గ్రామశివారులో జాతీయ రహదారిపై రోడ్డు ప్రమాదం చోటుచేసుకుంది. గొర్రెల మంద రోడ్డు దాటుతున్న సమయంలో లారీ డ్రైవర్ సడన్ బ్రేక్ వేశాడు. దీనితో వెనకాల నుంచి వేగంగా వస్తున్న కారు.. దాని వెనకాలే వచ్చిన మూడు కార్లు ఢీకొన్నాయి. ఈ ఘటనలో ఐదుగురికి తీవ్రగాయాలయ్యాయి. 108 వాహనంలో నకిరేకల్ ఆసుపత్రికి తరలించి చికిత్స అందిస్తున్నారు. జాతీయ రహదారిపై 2 కిలోమీటర్ల మేర ట్రాఫిక్ జామ్ అయ్యింది.
ప్రమాదం కారణంగా వాహనాలను దారి మళ్లించడంతో పక్కనే మరో కారు బైక్ను ఢీకొట్టడంతో ఒకరికి తీవ్రగాయాలయ్యాయి. స్థానిక ఆసుపత్రికి తరలించగా.. అతని పరిస్థితి విషమంగా ఉందని వైద్యులు తెలిపారు. ప్రమాద స్థలానికి చేరుకున్న పోలీసులు ట్రాఫిక్ను క్రమబద్దీకరించారు. లారీ డ్రైవర్ నిర్లక్ష్యం వల్ల ప్రమాదం జరిగిందని పోలీసులు తెలిపారు.
ఇదీ చూడండి : 40 ప్రేమ కథల 'కడలి'
