నాగర్ కర్నూల్ జిల్లా అచ్చంపేటలో పుర ఎన్నికల ఓట్ల లెక్కింపు పూర్తయింది. మొదటి రెండు రౌండ్లు ఉత్కంఠ భరితంగా లెక్కింపు జరిగింది. అధికార తెరాసకు కాంగ్రెస్ గట్టి పోటీ ఇచ్చింది. తొలి రెండు రౌండ్లలో తెరాస, కాంగ్రెస్ చెరో 6 స్థానాల్లో గెలుపొందాయి. మూడో రౌండ్లో తెరాస అభ్యర్థులు ఐదుగురు గెలుపొందగా, భాజపా ఒక్క స్థానంలో విజయం సాధించింది. చివరి రౌండ్లో రెండు స్థానాలను తెరాస కైవసం చేసుకుంది. అధికార తెరాస 2,3,4,5,6,12,13,15,16,17,18,19,20 వార్డులు దక్కగా.. కాంగ్రెస్ 1,7,8,10,11,14 వ వార్డుల్లో విజయం సాధించింది. 9వ వార్డు నుంచి భాజపా అభ్యర్థి విజయం సాధించారు.
మొత్తం 20 వార్డులకు గాను 13స్థానాలను అధికార తెరాస గెలుచుకుని ఛైర్మన్ పీఠాన్ని కైవసం చేసుకుంది. ప్రతిపక్ష కాంగ్రెస్ 6, భాజపా 1 స్థానాలను తమ ఖాతాలో వేసుకున్నాయి. గత ఎన్నికల్లో 20 వార్డులను క్లీన్ స్వీప్ చేసిన తెరాసకు ఈసారి ప్రతిపక్షాలు గట్టి పోటీ ఇచ్చాయి. పురుపాలికలో 20 వార్డుల్లో మొత్తం 66 మంది అభ్యర్థులు బరిలో నిలిచారు.
ఇదీ చూడండి: కొత్తూరు మున్సిపాలిటీ తెరాస కైవసం
