కల్వకుర్తిలో ఎమ్మెల్సీ కసిరెడ్డి ఎన్నికల ప్రచారం

ఎన్నికల సమయం దగ్గర పడుతున్న కొద్దీ తెరాస నేతల ప్రచారం జోరందుకుంది. అన్ని ప్రాంతాల ప్రజలకు చేరువయ్యేందుకు ఎంపీల తరఫున ఆ పార్టీ ఎమ్మెల్యేలు, ఎమ్మెల్సీలు ప్రచార బాధ్యతను నిర్వహిస్తున్నారు. కల్వకుర్తిలో ఎమ్మెల్సీ కసిరెడ్డి పర్యటించారు.

నాగర్ కర్నూల్ జిల్లా కల్వకుర్తిలో పార్లమెంట్ అభ్యర్థి రాములు తరఫున ఎమ్మెల్సీ కసిరెడ్డి నారాయణరెడ్డి ఎన్నికల ప్రచారం నిర్వహించారు. నియోజకవర్గ అభివృద్ధికి తెరాసకే ఓటెయ్యాలని ప్రజలకు సూచించారు. 16 ఎంపీ స్థానాల్లో విజయం సాధిస్తే కేంద్రం నుంచి అధిక నిధులు రాబట్టుకునే వీలుంటుందని స్పష్టం చేశారు.

ప్రచారం అడ్డిగింత

కసిరెడ్డి ఎల్లికట్ట గ్రామానికి ప్రచారానికి వెళ్లగా ఓ వర్గం వారు ఆయనను అడ్డుకున్నారు. ఎంపీ, ఎమ్మెల్యేలతో కలిసి రావాలని నినాదాలు చేశారు. ఉద్రిక్తత నెలకొంది. ఇంతలో పోలీసులు రంగ ప్రవేశం చేసి పరిస్థితి చక్కదిద్దారు. అనంతరం ఎమ్మెల్సీ గ్రామంలో పర్యటించి ఓట్లు అభ్యర్థించారు.

ఇదీ చదవండి :ఫేస్​బుక్​లో మరో పోస్ట్​.. స్పందించిన సీఎంఓ