నాగర్‌కర్నూల్‌ జిల్లా కొల్లాపూర్‌ మండలంలోని కృష్ణా తీర గ్రామమైన సోమశిలలో క్రీ.పూ.4000-2000 మధ్య కాలానికి చెంది కొత్త రాతి యుగపు గొడ్డలి బయటపడిందని సోమశిలలోని పురావస్తు శాఖ పూర్వ స్థపతి, ప్రస్తుత కల్చరల్‌ సెంటర్‌ ఆఫ్‌ విజయవాడ సీఈవో డా.ఈమని శివనాగిరెడ్డి తెలిపారు.
ఆదివారం సోమశిలలోని సోమనాథస్వామి ఆలయానికి తూర్పు దిక్కున ఉన్న తెలుగు పెంటయ్య చేనులో జరిపిన తవ్వకాల్లో ఈ రాతి గొడ్డలి బయటపడిందని పురావస్తు శాఖ పేర్కొన్నారు. 4 అంగుళాల పొడవు, 2 అంగుళాల వెడల్పు, అంగుళం మందంతో ఉన్న ఈ గొడ్డలిని నల్లశానపు రాతితో అంచు మొనదేలేలా అరగదీసి నునుపుగా తీర్చిదిద్దారని వివరించారు.
