స్రవంతి మృతికి సంతాపంగా పంచాయతీ కార్యదర్శుల నిరసన

పని ఒత్తిడి కారణంగా ఆత్మహత్య చేసుకున్న పంచాయతీ కార్యదర్శి స్రవంతి మృతికి సంతాపంగా నారాయణపేటలో నిరసన కార్యక్రమాలు చేపట్టారు. తమపై పని భారం పెరిగినా... తమకు మాత్రం ఎలాంటి గుర్తింపు ఇవ్వటం లేదని ఆవేదన వ్యక్తం చేశారు పంచాయతీ కార్యదర్శులు.

నాగర్​కర్నూలు జిల్లా మూలం గ్రామానికి చెందిన జూనియర్ పంచాయతీ కార్యదర్శి స్రవంతి ఆత్మహత్యకు నిరసనగా నారాయణపేటలో పంచాయతీ కార్యదర్శులు ఆందోళన చేశారు. స్థానిక ఎంపీడీవో కార్యాలయం నుంచి జిల్లా పంచాయతీ కార్యాలయం వరకు ర్యాలీ చేపట్టారు. తమపై పని భారం పెరిగిందని పంచాయతీ కార్యదర్శులు ఆవేదన వ్యక్తం చేశారు. పని ఒత్తిడి కారణంగా ఎంతో మంది ఉద్యోగాలకు రాజీనామాలు చేస్తున్నారని తెలిపారు. 30 రోజుల ప్రణాళికలో భాగంగా గ్రామాల్లో పారిశుద్ధ్యంపై ప్రజలను చైతన్య పరుస్తున్నారు కానీ... అధికారుల్లో చైతన్యం రావటంలేదని ఆగ్రహం వ్యకం చేశారు.

ఇదీ చూడండి: శునకాల పెళ్లికి ఊళ్లో పెద్దల హడావుడి!