పాలమూరు-రంగారెడ్డి ఎత్తిపోతల పనులను పరిశీలించిన మంత్రులు

నాగర్​కర్నూల్​ జిల్లాలోని పాలమూరు- రంగారెడ్డి ఎత్తిపోతల పథకం పనులను మంత్రులు సింగిరెడ్డి నిరంజన్​రెడ్డి, శ్రీనివాస్​గౌడ్​, జలవనరుల శాఖ ముఖ్యకార్యదర్శి రజత్​కుమార్​ పరిశీలించారు. ఉమ్మడి జిల్లాకు చెందిన ప్రజాప్రతినిధులు పాల్గొన్నారు. పథకం పనులను వేగవంతం చేయాలని అధికారులను ఆదేశించారు.

నాగర్​కర్నూల్​ జిల్లాలోని పాలమూరు-రంగారెడ్డి ఎత్తిపోతల పథకం 1,2,3 దశల పనులను మంత్రులు సింగిరెడ్డి నిరంజన్​రెడ్డి, శ్రీనివాస్ గౌడ్, జలవనరుల శాఖ ముఖ్యకార్యదర్శి రజత్ కుమార్​ పరిశీలించారు. కొల్లాపూర్ మండలం నార్లాపూర్, ఏలూరు వద్ద జరుగుతున్న పనుల పురోగతిని ఆరాతీశారు. సొరంగం, ఆనకట్ట, రిజర్వాయర్ పనుల గురించి అధికారులను అడిగి తెలుసుకున్నారు. నిర్మాణాలను వేగవంతం చేయాలని ఆదేశించారు. అనంతరం అధికారులతో సమీక్ష నిర్వహించారు.

ఈ కార్యక్రమంలో నాగర్​కర్నూల్ ఎంపీ రాములు, ప్రభుత్వ చీఫ్ విప్ గువ్వల బాలరాజు, ఎమ్మెల్యేలు బీరం హర్షవర్ధన్​రెడ్డి, మర్రి జనార్దన్​రెడ్డి, జైపాల్​ యాదవ్, అబ్రహం, రామ్మోహన్ రెడ్డి, రాజేందర్​రెడ్డి, ఆల వెంకటేశ్వర్ రెడ్డి, ఎమ్మెల్సీలు దామోదర్ రెడ్డి, నారాయణరెడ్డి, కలెక్టర్ శర్మాన్ చౌహన్ పాల్గొన్నారు.

ఇవీచూడండి: పాలమూరు-రంగారెడ్డితో ఉమ్మడి జిల్లా సశ్యశ్యామలం: శ్రీనివాస్ గౌడ్