అరుదైన బ్రహ్మ కమలం పుష్పం వికసించి అందరినీ ఆకర్షించింది. నాగర్కర్నూల్ జిల్లా అచ్చంపేట పట్టణం టీచర్స్ కాలనీలో ఈ అరుదైన పుష్పం వికసించింది. పాపిశెట్టి నరసింహ ఇంటి ఆవరణలో ఆరేళ్ల క్రితం ఈ మొక్కను నాటారు. మొదటిసారిగా రాత్రి వేళలో ఈ పుష్పం వికసించింది.
కాలనీలోని మహిళలు, పిల్లలు, పెద్దలు వచ్చి తిలకించారు. ఈ అరుదైన పుష్పం ఏడాదికి ఒకసారి పూయడం, అది కూడా రాత్రి వేళలో వికసించి.. కేవలం రెండు గంటలు మాత్రమే సజీవంగా ఉండటం ప్రత్యేకత. ఇలాంటి అరుదైన మొక్క నాటడం చాలా ఆనందంగా ఉందని ఇంటి యజమాని నరసింహ చెబుతున్నాడు.
ఇదీ చూడండి : దర్శకుడు రాజమౌళికి కరోనా పాజిటివ్
