ములుగు జిల్లాలోని 12 ప్రాథమిక సహకార సంఘాల ఛైర్మన్, వైస్ ఛైర్మన్ ఎన్నిక ఇవాళ జరిగింది.
ఇంచెర్ల, నర్సాపూర్, వెంకటాపూర్, మంగపేట, లక్ష్మీదేవిపేట సహకార పరపతి సంఘాల్లో తెరాస మద్దతుదారులు ఛైర్మన్, వైస్ ఛైర్మన్ పదవులను కైవసం చేసుకున్నారు.
తాడ్వాయి, ములుగు సొసైటీలను కాంగ్రెస్ మద్దతుదారులు సొంతం చేసుకున్నారు. ములుగులో ప్రమాణస్వీకార కార్యక్రమానికి ఎమ్మెల్యే సీతక్క హాజరయ్యారు.
పాలంపేట, ఏటూరునాగారం, వాజేడు సహకార సంఘాల్లో ఛైర్మన్ పదవులను తెరాస, వైస్ ఛైర్మన్ పదవులను కాంగ్రెస్ మద్దతుదారులు పంచుకున్నారు. గోవిందరావుపేటలో కాంగ్రెస్, భాజపా మద్దతుదారులు కలిసి సహకార సంఘాన్ని చేజిక్కించుకున్నారు. సీపీఎం మద్దతుతో వెంకటాపురం సహకార సంఘాన్ని కాంగ్రెస్ మద్దతుదారులు కైవసం చేసుకున్నారు.
ఇవీచూడండి: హాలియా సహకార పోలింగ్లో రైతుపై చేయిచేసుకున్న ఎస్సై
