MEDARAM APP: మేడారం మహా జాతరను పురస్కరించుకొని జిల్లా కలెక్టర్ ఎస్. కృష్ణ ఆదిత్య.. ఇవాళ కలెక్టరేట్లో అధికారి వెబ్సైట్ www.medaramjathara.comను ప్రారంభించారు. అదేవిధంగా మొబైల్ యాప్ను ఆవిష్కరించారు. ఈ వెబ్సైట్, యాప్ ద్వారా భక్తులకు తాగునీరు, మేడారం జాతర రూట్మ్యాప్, జాతరలో తప్పిపోయిన వారి ఆచూకీ తెలుసుకునే పాయింట్లు, ప్రమాదాలు జరిగే అవకాశం ఉన్న ప్రదేశాల వివరాలు, దర్శనం క్యూలైన్, పార్కింగ్ ప్లేస్, కొవిడ్ వ్యాక్సిన్స్ అందించే పాయింట్లు, మెడికల్ క్యాంపులు, టాయిలెట్స్, జిల్లాలోని పర్యాటక ప్రదేశాలు తదితర వివరాలు తెలుసుకునేందు వీలుగా ఉంటుందని తెలిపారు.
ప్రత్యక్ష ప్రసారం ద్వారా వీక్షించేలా..
ప్రత్యేక వెబ్సైట్, యాప్ ద్వారా భక్తులు తమ అభిప్రాయాలు, సూచనలు ఇవ్వవచ్చని తెలిపారు. అంతే కాకుండా జాతరను ప్రత్యక్షప్రసారం ద్వారా వీక్షించే అవకాశం ఉందని వెల్లడించారు. ఈ వెబ్సైట్లో ట్రాఫిక్ మార్గదర్శకాలతో పాటు, సహాయ కేంద్రాలు, ఆర్టీసీ బస్సులు బయలుదేరు సమయాలు, ఛార్జీల వివరాలు, స్టేజీల సమాచారంతో పాటు అమ్మవారికి సమర్పించే నిలువెత్తు బంగారం (బెల్లం) ధర వివరాలు పొందుపరచినట్లు తెలిపారు. ఈ యాప్ అన్ని భాషల్లోను అందుబాటులో ఉంటుందని వివరించారు. ఈ యాప్ను ప్లేస్టోర్లో మేడారం జాతర గైడ్ అఫీషియల్ అని టైప్ చేసి డౌన్లోడ్ చేసుకోవాలని సూచించారు. కార్యక్రమంలో మేడారం జాతర ఇంఛార్జ్ డీసీపీ గౌస్ ఆలం, ఏఎస్పీ సుధీర్ రామ్నాథ్ కె కన్, కలెక్టరేట్ ఏవో విజయ భాస్కర్, డీపీఆర్ఓ బి ప్రేమలత, తదితరులు పాల్గొన్నారు.
అమ్మవార్లను దర్శించుకున్న వైఎస్ షర్మిల
YS SHARMILA VISIT MEDARAM TEMPLE: వైఎస్ఆర్టీపీ అధ్యక్షురాలు వైఎస్ షర్మిల... మేడారం సమ్మక్క, సారలమ్మను దర్శించుకున్నారు. అమ్మవార్లకు నిలువెత్తు బంగారం (బెల్లం) సమర్పించుకున్నారు. ఈ సందర్భంగా ప్రత్యేక పూజలు చేశారు. అనంతరం గిరిజన మ్యూజియంను సందర్శించారు. గిరిజన దేవుళ్ల గురించి అడిగి తెలుసుకున్నారు.
రాష్ట్ర ప్రభుత్వం గిరిజనులకు ఇచ్చిన హామీలు నిలబెట్టుకోవాలని వైఎస్ షర్మిల పేర్కొన్నారు. భూముల సర్వే పూర్తయినప్పటికీ రైతులకు ఎలాంటి పత్రాలు ఇవ్వలేదని ఆరోపించారు. రైతులందరికీ పట్టా పాసుపుస్తకాలు పంపిణీ చేయాలని డిమాండ్ చేశారు. గిరిజన రైతులకు, పోడు వ్యవసాయం చేసుకునే వారికి రైతుబంధు వర్తింపచేయాలని పేర్కొన్నారు. తాము అధికారంలోకి వస్తే గిరిజనులకు మేలు చేస్తానని హామీ ఇచ్చారు.
ఇదీ చూడండి: MEDARAM Special Busses : మేడారం జాతరకు 4వేల ప్రత్యేక బస్సులు : ఆర్టీసీ ఎండీ
