కొత్త సంవత్సరం మేడారానికి పోటెత్తిన భక్తజనం

Huge Public At Medaram Temple : కొత్త సంవత్సరం సెలవు దినం కావడంతో మేడారం అమ్మవార్లను దర్శించుకునేందుకు జనం పోటెత్తారు. తెలంగాణ ప్రజలే కాకుండా వివిధ రాష్ట్ర నుంచి భక్తుల విచ్చేశారు. అమ్మవార్ల దర్శనానికి బారులు తీరిన జనం తమ మొక్కలు చెల్లించుకున్నారు.

Huge Public At Medaram Temple : కొత్త సంవత్సరం సెలవు దినం అంకావడంతో మేడారంలోని సమ్మక్క-సారలమ్మ (Telangana Tribal Festival) వన దేవతలను దర్శించుకునేందుకు భక్తులు పోటెత్తారు. రాష్ట్ర నలుమూలల నుంచి కాకుండా ఆంధ్రప్రదేశ్, ఛత్తీస్​గఢ్, మహారాష్ట్ర నుంచి అధిక సంఖ్యలో అమ్మవార్ల దర్శనానికి బారులు తీరారు. తలనీలాలు సమర్పించుకుని, జంపన్నవాగు పుణ్య స్నానాలు ఆచరించి దేవతలకు మొక్కలు చెల్లిస్తున్నారు. కాగా ఈ ఏడాది ఫిబ్రవరి 21 నుంచి 28 వరకు జరిగే మేడారం మహా జాతరకు ముందుగానే భక్తులు సెలవు దినాలు చూసుకొని అమ్మవారి సన్నిధికి చేరుకుని మొక్కులు చెల్లించుకుంటున్నారు.

Huge Devotees Rush At Medaram Jathara : తెలంగాణలో ప్రతిష్టాత్మకంగా నిర్వహించే సమ్మక్క, సారలమ్మ జాతర (Sammakka Saralamma Jathara) ఆసియా ఖండంలోనే అతిపెద్ద గిరిజన జాతరగా ప్రసిద్ధి చెందింది. దీనిని తెలంగాణ కుంభమేళ అని కూడా అంటారు. ములుగు జిల్లా తాడ్వాయి మండలం మేడారం గ్రామంలో ఆదివాసీ గిరిజన దైవాలు సమ్మక్క-సారలమ్మ జాతర గిరిజన సంప్రదాయం ప్రకారం మాఘశుద్ధ పౌర్ణమి రోజున నిర్వహిస్తారు.

ఏ రోజున ఏ కార్యక్రమం అంటే : 21 ఫిబ్రవరి 2024న సారలమ్మ, పగిడిద్ద రాజు, గోవిందరాజులు గద్దెలపైకి తీసుకువచ్చే కార్యక్రమం చేస్తారు.

22 ఫిబ్రవరి 2024న చిలకల గుట్ట నుంచి సమ్మక్క దేవత గద్దెలపైకి తీసుకువస్తారు.

23 ఫిబ్రవరి 2024న భక్తులు అమ్మవార్లకు తమ మొక్కుల చెల్లించుకుంటారు.

24 ఫిబ్రవరి 2024న సమ్మక్క-సారలమ్మ, పగిడిద్దరాజు, గోవిందరాజు దేవతల వన ప్రవేశం ఉంటుంది.

జాతర విశిష్టత : రాష్ట్రంలో ఘనంగా నిర్వహించే మేడారం జాతరకు నేపథ్యం ఏంటంటే ఆనాటి కాకతీయ సేనలు, గిరిజన పుత్రులను వేధిస్తుంటే కత్తిపట్టి వారికి ఎదురుగా నిలిచి వీరమరణం పొందిన ఆడబిడ్డలే సమ్మక్క-సారక్కలు. వందల ఏళ్లు దాటినా వారి త్యాగానికి జనం నీరాజనాలు పలుకుతూ దేవతలుగా పూజిస్తూ, సమ్మక్క-సారక్క పేరిట జాతర చేస్తున్నారు. దీన్ని 1944 వరకు ఆదివాసులకే పరిమితమైనా, తర్వాత తెలంగాణ జన జాతరగా మారిపోయింది. సమ్మక్క- సారలమ్మ జాతర ఆసియాలోనే అతిపెద్ద గిరిజన జాతరగా పేరు పొందింది. వన దేవతల ఆగమనంతో మహా జాతర ప్రారంభమవుతుంది.

Government Steps For Facilities in Jathara : జాతర ఏర్పాట్లపై ప్రభుత్వం ఇప్పటికే చర్యలు చేపట్టింది. అధిక సంఖ్యలో పాల్గొనే ఈ జాతరకు ఎలాంటి ఇబ్బందులు కలగకుండా ఏర్పాట్లు చేస్తామని తెలిపింది. గత ప్రభుత్వం నుంచి ఈ జాతరకు జాతీయ హోదా తీసుకురావడానికి ప్రయత్నాలు చేస్తూనే ఉన్నారు. కాగా కాంగ్రెస్ ప్రభుత్వం కూడా జాతీయ హోదా తీసుకురావడానికి కసరత్తు చేస్తామని స్పష్టం చేసింది.