మేడారం జాతరను ప్లాస్టిక్ రహితంగా మార్చాలనే ఉద్దేశంతో వరంగల్లో ఓ యువకుడు పాదయాత్రకు నడుంబిగించాడు. ప్లాస్టిక్ వల్ల జరిగే నష్టాలపై ప్రజలకు అవగాహన కల్పించేందుకు ప్రకాష్ అనే యువకుడు హన్మకొండ నుంచి మేడారం వరకు పాదయాత్ర చేపట్టాడు. మేడారం వెళ్లే దారిలో ప్రతి గ్రామానికి వెళ్తూ ప్రజల్లో చైతన్యం నింపనున్నారు.
గతంలో కూడా ఈ యువకుడు ఇదే విధంగా ప్లాస్టిక్కి వ్యతిరేకంగా మేడారం వరకు పాదయాత్ర చేశాడు. ఈ కార్యక్రమానికి మద్దతుగా వరంగల్ జిల్లా అటవీ ముఖ్య సంరక్షణ అధికారి అక్బర్తో పాటు పలువురు సామాజిక కార్యకర్తలు తరలివచ్చారు. మేడారం జాతరలో ప్లాస్టిక్ను దశల వారిగా నిర్మూలించేందుకు ప్రతి ఒక్కరు ముందుకు రావాలని ప్రకాష్ పిలుపు నిచ్చారు.
ప్లాస్టిక్ రహిత జాతర కోసం.. పాదయాత్ర
ఇదీ చూడండి : 'ఆ ఊళ్లో అమ్మాయి పుడితే... పండుగ చేసుకుంటారు'
